ఎంత ప్రేమ?
*********
దివ్యతేజా! ఏసు రాజా!
నింగి నేలకు రాజువైనా
పేద వానిగ పుట్టినావా?
దిక్కులేని మనుషులంటే
ఎందుకయ్యా ఇంత ప్రేమ?

దీన బాంధవ ఏసు దేవా!
మానవాళికి రక్షకుడవై
ముక్తి మార్గము చూపినావా?
దారి తప్పిన మనుషులంటే
ఎందుకయ్యా ఇంత ప్రేమ?

భవ్య చరితా! లోక రక్షక!
దేవ దేవుని సుతుడవైనా
సిలువ పైనా కొట్ట బడితివి
పాపులైనా మనుషులంటే
ఎందుకయ్యా ఇంత ప్రేమ?

మరియ పుత్రా! మాననీయా!
నమ్మ లేని వారలకు
నీ మహిమాలెన్నో చూపినావు!
చపలురైన మనుషులంటే
ఎందుకయ్యా ఇంత ప్రేమ?