1.శ్రీకరముగాను వాక్కుయే సిద్ధి నంది
   ఆదియందున పిత దైవ మవతరించె
  మాన కెప్పుడు పిత దైవ స్మరణ చేసి
  భక్తితో త్రిత్వ దేవుని భజన సేతు!

2.తానె దేవుడై యా పిత లోన యున్న
అతులిత మహిమ రూపుడు సుతుని దలచి
దివ్య కొమరుని కొల్చుచూ భవ్య రీతి
భక్తితో త్రిత్వ దేవుని భజన సేతు!

3.పిత సుతునియందు లీనమై సతత ముండు
ఆత్మ దేవుని దలంచి యాదరాన
స్తోత్ర గీతము పాడుచూ స్తుతులు సలిపి
భక్తితో త్రిత్వ దేవుని భజన సేతు!