పోప్ లియో XIV నాలుగు రోజుల అపోస్తలిక పర్యటన నిమిత్తం శుక్రవారం రోమ్‌లోని ఫ్యూమిచినో విమానాశ్రయం నుంచి ఫ్రాన్స్‌కు బయలుదేరారు.ఆయన ప్రయాణించిన విమానం రోమ్ కాలమానం ప్రకారం ఉదయం 7:58 గంటలకు బయలుదేరి,ఉదయం 9:56 గంటలకు పారిస్ ఓర్లీ విమానాశ్రయానికి చేరుకుంది.ఈ పర్యటనకు “ప్రపంచానికి జీవం కలగాలి” అనే నినాదాన్ని ఎంపిక చేశారు.గర్భధారణ మొదలు సహజ మరణం వరకు ప్రతి మానవ ప్రాణాన్ని స్వాగతించి,ప్రేమించి,సంరక్షించాల్సిన ఆవశ్యకతను ఈ నినాదం తెలియజేస్తుందని వాటికన్ రాష్ట్ర కార్యదర్శి కార్డినల్ పియెట్రో పరొలిన్ పేర్కొన్నారు.ఈ పర్యటనలో ఆయన పారిస్,లూర్దు,మెట్జ్ నగరాలను సందర్శించి,పౌర అధికారులతో,యువతతో,గురువులతో సమావేశమవుతారు. అనారోగ్యంతో బాధపడుతున్నవారిని పరామర్శించి, దివ్యబలిపూజలు,ప్రార్థనల్లో పాల్గొంటారు.మానవ ప్రాణ పవిత్రత,ఆధ్యాత్మిక జీవితం,సేవాభావం ఈ పర్యటనలో ప్రధానాంశాలుగా నిలుస్తాయి.