పేద కుటుంబాలకు సొంతింటి కలను సాకారం చేయాలనే గొప్ప సంకల్పంతో సిస్టర్ లిజీ చక్కాలక్కల్‌ చేస్తున్న సేవ ఎంతో స్ఫూర్తిదాయకంగా నిలుస్తోంది.ఆమె నాయకత్వంలో కొనసాగుతున్న ‘హౌస్ ఛాలెంజ్’ కార్యక్రమం ద్వారా ఇప్పటివరకు 220 పేద కుటుంబాలకు సొంత ఇళ్లను నిర్మించి అందించారు.తాజాగా 220వ ఇంటిని లబ్ధిదారులకు అందజేయడం ఈ సేవా ప్రయాణంలో మరో ముఖ్యమైన మైలురాయిగా నిలిచింది.కేవలం ఒక ఇల్లు నిర్మించడం మాత్రమే కాకుండా,పేద కుటుంబాలకు భద్రత,గౌరవం, ఆత్మవిశ్వాసంతో జీవించే అవకాశాన్ని కల్పించడమే ఈ కార్యక్రమం లక్ష్యం.ఒక ఇంటి నిర్మాణం వెనుక అనేక మంది దాతలు,ఉపాధ్యాయులు,సంస్థలు తమ వంతు సహకారం అందిస్తున్నారు. “ప్రతి నెలా 1,000 మంది ఒక్కొక్కరు ₹1,000 చొప్పున సహాయం చేస్తే,ప్రతి నెలా ఒక పేద కుటుంబానికి ఇల్లు నిర్మించవచ్చు” అనే సిస్టర్ లిజీ ఆలోచన ఈ సేవ వెనుక ఉన్న సామూహిక బాధ్యతను తెలియజేస్తుంది.ఇతరుల జీవితాల్లో వెలుగును నింపడానికి మన చిన్న సహాయం కూడా ఎంతటి గొప్ప మార్పును తీసుకురాగలదో సిస్టర్ లిజీ సేవ మనకు గుర్తుచేస్తోంది.సిస్టర్ చేస్తున్న మంచి పనిని సామాజిక మాధ్యమాల ద్వారా కతోలికులు ప్రశంసిస్తున్నారు.