విశ్వ కాపరి పోప్ లియో XIV భారతదేశానికి చెందిన సిస్టర్ నిర్మలిని వాటికన్‌లోని జగద్గురువుని పరిపాలన యంత్రాంగంలోని సమర్పణ జీవితం,అపోస్తలిక జీవన సంస్థల విభాగానికి సలహాదారుగా నియమించారు.ఐదేళ్లపాటు కొనసాగనున్న ఈ బాధ్యతలో ప్రపంచవ్యాప్తంగా ఉన్న కన్యా స్త్రీల సభలు, సమర్పణ జీవితం గురించి విభాగానికి తన అనుభవాన్ని, మార్గదర్శక సూచనలను అందించనున్నారు. భారతీయ కతోలిక కన్యా స్త్రీకి వాటికన్ స్థాయిలో లభించిన ఈ బాధ్యత విశేష ప్రాధాన్యతను సంతరించుకుంది. జగద్గురువుని పరిపాలన యంత్రాంగములో పురుషులతో పాటుగా స్త్రీలకు కూడా సమానమైన గౌరవ హోదాని అందిస్తున్నందుకు పోప్ గారిని సామాజిక మాధ్యమాల వేదికగా కతోలికులు ప్రశంసిస్తున్నారు.