తమిళనాడులో అత్యంత పేదరికంలో,శిథిలమైన గుడిసెల్లో జీవిస్తున్న దళిత,గిరిజన కుటుంబాలకు గౌరవప్రదమైన జీవితం అందించాలనే లక్ష్యంతో తమిళనాడు కతోలిక పీఠాధిపతులు సమాఖ్య 60 ఇళ్ల నిర్మాణ కార్యక్రమాన్ని ప్రారంభించింది.ప్రతి కుటుంబానికి సురక్షితమైన నివాసం కల్పించడం ద్వారా వారి జీవితాల్లో ఆశ,భద్రత,ఆత్మగౌరవాన్ని నింపాలని ఈ ప్రయత్నం ఉద్దేశిస్తోంది.ఇప్పటికే కొన్ని ఇళ్లు పూర్తవగా,మిగిలినవి నిర్మాణ దశలో ఉన్నాయి.“సమాజంలో వెనుకబడిన వారిని ముందుకు తీసుకురావడం” అనే సువార్త సందేశాన్ని ఆచరణలో చూపించే సేవగా ఈ కార్యక్రమాన్ని పీఠాధిపతుల సమాఖ్య అభివర్ణించింది.