2026 మే 13వ తేదీ,బుధవారం మణిపూర్లో ప్రార్థన సమావేశాలు ముగించుకొని వస్తున్న ముగ్గురు బాప్టిస్ట్ సంఘ పాస్టర్లపై కాంగ్‌పోక్‌పి జిల్లాలో గుర్తుతెలియని దుండగులు దాడి చేశారు.ఈ ఘటనలో ముగ్గురు పాస్టర్లు అక్కడికక్కడే మరణించగా,మరికొందరు గాయపడ్డారు. ఈ ఘటనపై అఖిల భారత కతోలిక పీఠాధిపతుల సమాఖ్య తీవ్రంగా స్పందిస్తూ, నిరపరాధుల ప్రాణాలు తీసే హింస ఏ సమస్యకూ పరిష్కారం కాదని స్పష్టం చేసింది.బాధిత కుటుంబాలకు సంఘీభావం తెలియజేస్తూ,ప్రతీకారం కాదు.క్షమ, సంభాషణ, ఐక్యత, శాంతియుత సహజీవనం ద్వారానే సమాజానికి నిజమైన స్వస్థత లభిస్తుందని పీఠాధిపతులు పిలుపునిచ్చారు.అలాగే అక్కడ శాంతి,న్యాయం తిరిగి నెలకొనాలని ప్రార్థించారు.