జెరుసలేము పురములో జరిగెనొక సంబరము
ఊరేగుతూ జనులంతా మరియ సుతుని కొలిచారు
గార్దభాన్ని ఎక్కించి ఊరంతా త్రిప్పారు
మద్దెలలు మోగించి హోసన్నాలు చెప్పారు
దారంతా వస్త్రాలు వరుసగా పరిచారు
దావీదు కొమరుడని కోరి నడవ మన్నారు
మ్రాను కొమ్మలూ పట్టి జే జే లను పలికారు
మా రాజువు నువ్వంటూ మన్ననలే చేశారు!

ఎంత సంతసించాడో నాడు మరి నా తండ్రి !
ఇంత ప్రేమ నాపై ఈ జనులకని మురిశాడో
అన్ని సన్నుతులనెంత అబ్బురాన విన్నాడో
ఎన్ని కరుణ వరములను వారిపై కురిశాడో !

తిరిగి నేడు మరల మనము
ఆరోజును స్మరణ చేసి
మన మనసులనే మ్రాను కొమ్మ లెత్తి పట్టు కొందాము
మనుష్య కుమారుని భక్తితో స్తుతియించి
ఎనలేని దివ్య ప్రేమ వరములను పొందుదాం!!