విశ్వ కాపరి పోప్ లియో XIV విభూది బుధవారం సందర్భంగా రోమ్‌లోని Basilica of Saint Sabinaలో దివ్యబలిపూజను నిర్వహించారు.తపస్సు కాలం ప్రారంభమవుతున్న ఈ సందర్భంలో ఆయన ఇచ్చిన సందేశం లోతైన ఆత్మపరిశీలనకు పిలుపుగా నిలిచింది.పవిత్ర విభూది మనకు “మన జీవితం తాత్కాలికం” అనే నిజాన్ని గుర్తుచేస్తుందని ఆయన చెప్పారు.యుద్ధాలతో, విధ్వంసాలతో బాధపడుతున్న ప్రపంచాన్ని చూసినప్పుడు,పాపం ఎంత తీవ్రమైనదో మనం అర్థం చేసుకోవాలన్నారు.పాపం అంటే కేవలం వ్యక్తిగత తప్పులు మాత్రమే కాదు;సమాజంలో ఉన్న అన్యాయం,లోభం,హింస వంటి వ్యవస్థాత్మక దోషాలు కూడా పాపమే అని స్పష్టం చేశారు.తపస్సు కాలం అంటే కేవలం ఉపవాసం కాదు,మన హృదయాన్ని మార్చుకునే సమయం. దేవుని వైపు తిరిగి,మన జీవన విధానాన్ని సరిచేసుకునే పవిత్ర అవకాశం.ప్రత్యేకంగా యువత గురించి మాట్లాడుతూ, వారు నిజాయితీగా జీవించడానికి,తమ తప్పులను ఒప్పుకుని మారడానికి సిద్ధంగా ఉన్నారని చెప్పారు.కాబట్టి ఈ తపస్సు కాలం ప్రతి ఒక్కరికీ కొత్త ఆరంభం కావాలని ఆయన పిలుపునిచ్చారు.