ఆగమన కాల 1వ సోమవారం
సువిశేష ధ్యానం :
మత్తయి 8:5-11
"ప్రభూ! నీవు నా యింటిలోనికి వచ్చుటకు నేను పాత్రుడను కాను.నీవు ఒక్క మాట పలికిన చాలును.నా సేవకుడు స్వస్థత పొందును" మత్తయి 8:8. ఈనాటి సువిశేష పఠనం మనకు విశ్వాసం,ప్రేమ మరియు సమానత్వంను ప్రబోధిస్తుంది.

విశ్వాసం:
శతాధిపతి విశ్వాసం చాలా గొప్పది.అతను తన పనిని అర్ధం చేసుకొని,యేసుక్రీస్తు మాటలే తన సేవకుడిని నయం చెయ్యగలవని విశ్వసించాడు.నిజమైన విశ్వాసం అంటే ఇదే.యేసు పై ఉన్న నమ్మకం మరియు ఆయన శక్తిని అంగీకరించడమే విశ్వాస సత్యమునకు నాంది.

సమానత్వం:
శతాధిపతి తన సేవకునిపై చూపించిన ప్రేమ మరియు దయ మనకు ఆదర్శము.సమాజంలో జీవిస్తున్న మనం అందరిపై సమాన దృష్టికలిగి,తారతమ్యం లేకుండా సోదర భావంతో జీవించాలి.సత్యం మనకు ఈ పఠనం ద్వారా బోధ పడతుంది.

సమష్యలను అధిగమించడం:
శతాధిపతి యొక్క ప్రవర్తన మనకు స్ఫూర్తినివ్వాలి.అతను ఏ విధంగా అయితే తన అధికారాన్ని వదిలి,యేసుక్రీస్తు అద్భుత దేవుడని గ్రహించి అర్ధం చేసుకున్నాడో,మన జీవితంలో కూడా క్రీస్తుని ఎలా విశ్వసించాలో ఆయనను ఎలా స్వీకరించాలో మరియు ఇతరుల పట్ల ఎలా స్పందించాలో తెలియజేస్తుంది. కావున క్రీస్తు నందు విశ్వాసం వుంచి ఆయనలో జీవించుదాం.