12 మంది అపోస్తులలో పునీత అంద్రెయ గారు ఒకరు.తన జీవితాన్ని చేపలు పట్టే వృత్తితో ఆరంభించాడు.యేసు అతనిని పేరు పెట్టి పిలువగానే,తన తోటి సహోదరులతో పాటు తన సమస్తమును విడిచి యేసు వెంట వెళ్ళాడు.యేసు పిలుపును అంగీకరించి,సువార్త సేవకే తన జీవితాన్ని అర్పించాడు.చేపలు పట్టే జాలరిగా ఉన్న అంద్రెయ యేసుతో నదచినందుకు ఆత్మలు పట్టే కాపరిగా రూపాంతరం చెందాడు.యేసు చేసిన ఈ మహాకార్యం,అంద్రెయ జీవితాన్ని, ఉన్నత ఆశయాలపై నిలబెట్టింది. యేసునుపట్టుకున్న అంద్రెయ తన జీవితకాలంలో ఎప్పుడూ వెనుతిరుగలేదు.క్రీస్తు కోసం మరణించడానికి సిద్ధమయ్యాడు.వేదసాక్షి మరణముతో దేవుని మహిమ పరచాడు.దేవుడు ప్రతి ఒక్కరిని పేరు పెట్టి పిలుస్తున్నాడు. పిలుపు అంటే ఒక బాధ్యత.దేవుని పిలుపు ఒక ప్రత్యేక కార్యాన్ని ఇస్తుంది.దేవుని సహాయంతో, దేవుని చిత్తము ప్రకారము జీవిస్తూ,ప్రభువు పిలుపులో ఫలించాలి.ప్రాణార్పణకైనా సిద్ధపడాలి.లోక రక్షణకై యేసు ప్రాణాలు అర్పించాడు.పరలోక తండ్రి,చిత్తాన్ని నెరవేర్చాడు.ఇదే ఆదర్శాన్ని అపోస్తులు స్వీకరించారు.పునీతులందరూ అదే బాటలో నడిచారు.క్రైస్తవులకు వారి మార్గమే దిక్సూచి,మన ముందున్న సవాళ్లను సమర్థవంతంగా ఎదుర్కొంటూ, నశించు అత్మల సంరక్షణకై కృషి చేయాలి.పునీత అంద్రెయ వారి జీవితాన్ని పరిశీలిస్తే,ఎంతో సౌమ్యుడుగా యేసుక్రీస్తుని అనుసరించాడు.సీమోను పేతురు సోదరునిగా సువార్త మనకు పరిచయం చేస్తుంది.పరిశుద్ధ గ్రంథము నుండి, శ్రీసభ చరిత్ర నుండి అంద్రెయ గురించి మనము ఏమి నేర్చుకుంటాము?

1. అంద్రెయ మొదట బాప్తిస్మ యోహాను అనుచరుడిగా ఉన్నాడు. ఆ తరువాత తానే యేసును కనుగొన్నాడు. యేసు రక్షకుడని తెలుసుకున్న వెంటనే విశ్వసించి శిష్యుడుగా మారాడు. తన సోదరుడు పేతురుతో ఈ విషయాన్ని పంచుకున్నాడు. (పు. యోహాను 1:35-41)

2 యేసుక్రీస్తుని అనుసరించిన ప్రధమ శిష్యులలో, పునీత పేతురు గారితో పాటు, ఆంద్రెయ కూడా ఉన్నారు.

3. ఆండ్రియ గారి పేరులోనే, పురుష స్వభావుదు అన్న అర్ధాన్ని గ్రహించవచ్చు. యేసుక్రీస్తుని అనుసరించడంలో, పరిపూర్ణ వ్యక్తిత్వాన్ని అలవర్చుకున్న భావాన్ని చూస్తున్నాము. అతని పేరుకు తగిన విధంగానే ధైర్యంగా, వీరోచితంగా జీవించాడు.
4. యేసుక్రీస్తుకి అతి సమీపముగా ఉన్న నలుగురు శిష్యులలో అంద్రెయ గారు కూడా ఉన్నారు.

5. యేసు 5000 మందికి అద్భుతంగా ఆహారం పెట్టే సందర్భంలో, అంద్రెయ గారు, ఒక బాలుని వద్ద రొట్టెలు ఉన్నాయని, ఆ రొట్టెలను యేసు చేతికిచ్చాడు. ఆ చిన్న రొట్టెలే 5000 మందికి ఆహారంగా నూరాయి. (పు. యోహాను 6:8- 9)

6. యెరూషలేము పతనము గురించి, యేసు ప్రస్తావించినప్పుడు, ఇదంతా ఎప్పుడు జరుగుతుంది అవి ప్రశ్నించిన శిష్యులలో అంద్రెయ గారు కూడా ఉన్నారు. దానికి సమాధానంగా యేసు, సూచనలు కనిపించినప్పుడు, శిష్యులు అప్రమత్తంగా ఉండాలని చెప్పాడు. (పు. మార్కు 13:1-4) మనకు సందేహాలు వచ్చినప్పుడు, యేసుని మాత్రమే అడగాలి. మన సంశయాలను ఆయనే తీర్చుతాడు.

7. యేసు యెరుషలేములో ఉన్నప్పుడు, కొందరు దైవ భయం కలిగిన గ్రీకులు యేసు చెంతకు వచ్చారు. యేసును చూడాలన్న ఆశాభావం వారిలో ఉన్నది. ఆ సమయంలో, ఫిలిప్పుతో పాటు అండ్రియ గారు కూడా ఈ విషయాన్ని యేసుతో చెప్పారు. గ్రీకులకు యేసుకు మధ్యవర్తిత్వాన్ని నిర్వహించారు. (పు. యోహాను 12:20-26)

8. అంద్రెయ గారు తన శేష జీవితంలో, గ్రీకు మాట్లాడే ప్రజలకు బోధకుడిగా మారాడు. క్రీస్తు సందేశాన్ని నిర్భయంగా ప్రకటించాడు.

9. అంద్రెయ గారు కూడా.. సిలువ శ్రమలను అనుభవించి, వేద సాక్షి మరణం పొందారు. అంద్రెయ జీవిత విశేషాల ద్వారా, యేసును కనుగొని, అనుసరించి, ఆయనతో ఉండి, క్రీస్తు సువార్తలో పాలుపంచుకొని, క్రీస్తు స్థాపించిన దైవ రాజ్య వ్యాప్తికై పనిచేసే, ఆయన సేవలోనే పరమపదించడం నేర్చుకుంటున్నాము.మనము కూడా అలాగే జీవించి క్రీస్తుకు సాక్షులుగా మారుదాము,