"ది ఫేస్ ఆఫ్ ఫేస్ లెస్" చిత్రంపై మఠవాసుల ప్రశంసలు

ఫాదర్ చల్ల డేవిడ్ (భారతమిత్రం, ప్రధాన సంపాదకులు)
29 Nov 2025
కతోలిక కన్యా స్త్రీ అయిన సిస్టర్ ధన్య రాణి మరియ జీవితం ఆధారంగా రూపొందించబడిన "ది ఫేస్ ఆఫ్ ది ఫేస్ లెస్" సినిమాను క్రైస్తవ విశ్వాసులు,గురువులు కన్యాస్త్రీలు వీక్షించారు,వారి స్పందనను పంచుకున్నారు.ఈ చిత్రాన్ని వీక్షించిన భారతమిత్రం సంపాదకులు గురుశ్రీ చల్ల డేవిడ్ మాట్లాడుతూ,సిస్టర్ ధన్య రాణి మరియ జీవితం ప్రతి ఒక విశ్వాసి మిషనరీలుగా మారి,అనేక సాంఘిక సేవా కార్యక్రమాలలో పాలు పంచుకుంటూ,క్రీస్తు చెప్పినట్లు భూమికి ఉప్పు వలె ఉప్పదనం అను క్రీస్తు తత్వాన్ని కలిగి జీవించాలని తెలియపరుస్తున్నదని అన్నారు.సిస్టర్ రాణి మరియ పేద ప్రజల బ్రతుకుల్లో క్రీస్తు వెలుగును నింపారన్నారు.అలానే సెయింట్ ఆన్స్ కాంగ్రిగేషన్ కు చెందిన సిస్టర్స్ మాట్లాడుతూ,నిజముగా సిస్టర్ ధన్య రాణి మరియ యథార్థ సంఘటన సినిమా రూపంలో నిర్మించిన బృందానికి ప్రత్యేక ధన్యవాదాలు తెలిపారు.మనం కూడా కేవలం ప్రార్థనలే కాదు.ప్రజల బాగోగులను చూడవలసిన బాధ్యత మనందరిపై ఉందన్నారు.
