ఇటీవలే నూతన విశ్వ శ్రీసభ కాపరిగా ఎన్నికైన పోప్ లియో XIV కు తమిళనాడుతో అనుబంధం ఉంది. ఆయన 2006లో కోయంబత్తూరు జిల్లా పొళ్లాచ్చి ప్రాంతంలోని పునీత అగస్టియన్‌ సభ నిర్వాహకులు నడుపుతున్న శెన్బగం పాఠశాలను సందర్శించారు. ఆ సమయంలో స్కూల్ క్యాంపస్ ముందు పోప్ తీసుకున్న ఫొటోలు ప్రస్తుతం సోషల్ మీడియాలో వైరల్ అవుతున్నాయి.'ఆయన రావడం గౌరవంగా ఉంది'
కొత్తగా ఎన్నికైన పోప్ లియో XIV గతంలో శెన్బగం పాఠశాలను సందర్శించడంపై ఆ స్కూల్లో పనిచేస్తున్న ఫాదర్ సుమేశ్ జోసెఫ్ స్పందించారు. కొత్తగా ఎన్నికైన పోప్‌ తమిళనాడులోని పొళ్లాచ్చి ప్రాంతానికి రావడం గౌరవంగా ఉందన్నారు. తమిళుల గురించి ఆయన తెలుసుకోవడం ఆనందంగా ఉందని తెలిపారు.