చిన్న బిడ్డలను చదువులకు, ఆటలకు దూరం చేసి, శ్రామిక యంత్రాలుగా మార్చడాన్ని పోప్ తీవ్రంగా ఖండించారు. చిన్న బిడ్డలపై ఎటువంటి నేరాలు జరగకుండా వారిని సంరక్షించే బాధ్యత ప్రతి ఒక్కరిపై ఉందని జనరల్ ఆడియన్స్ లో ఆయన అన్నారు.ప్రపంచ వ్యాప్తంగా కోట్లాది మంది చిన్నారులు తమ కనీస హక్కులైన విద్య, ఆరోగ్యం, ఆటపాటలు కోల్పోయి, పొట్టకూటి కోసం తమ చిట్టి చేతులతో వివిధ పనుల్లో నిమగమై ఉన్నారని ఇటువంటి దుస్థితి ఎంతో ఆవేదన కలిగిస్తుందని పోప్ అన్నారు. అదేవిధంగా పసిబాలల అక్రమ రవాణా కూడా ఆందోళన కలిగించే అంశమని పేదరికంతో అలమటించే చిన్నారి బిడ్డలు విద్యకు దూరం కాకూడదని ప్రభుత్వం చొరవ తీసుకొని వారికి బంగారు భవిష్యత్తును కల్పించే దిశగా అడుగులు వేయాలని పోప్ అంతర్జాతీయ సమాజాన్ని కోరారు.