రక్తదానం అనంత క్రైస్తవ ప్రేమకు నిదర్శనమని ఇటీవల ఇటాలియన్ రక్త దాతల సమాఖ్య సమావేశంలో పాల్గొన్న పోప్ అన్నారు.సమాఖ్య 65 సంవత్సరాలు పూర్తి చేసుకున్న సందర్భంగా ఆయన ధన్యవాదాలు తెలియపరిచారు.రక్తదానం చేసే సమయంలో చేయి చాచి చేసే సంజ్ఞ ఏసుక్రీస్తు తన శరీరాన్ని స్వచ్ఛందంగా సిలువపై చాచినట్లుగానే ఉంటుందని ఆయన పేర్కొన్నారు. తీసుకోవటం కన్నా ఇవ్వటంలోనే ధన్యత ఉందని,రక్తాన్ని దానం చేస్తున్నప్పుడు మనసుకు ఎంతో ఆనందం కలుగుతుందని ఆయన అన్నారు.క్రైస్తవ ప్రేమకు రక్తదానం కూడా ఒక ముఖ్యమైన సాక్ష్యంగా నిలుస్తుందని, రక్తదాతలను ఆయన ప్రశంసించారు.అదేవిధంగా ఎవరు ప్రాణపాయ స్థితిలో ఉన్నా జాతి, కులమత భేదాలకు తావు లేకుండా రక్తదానం చేయాలని ఆయన కోరారు.